Pakistan beat India in ACC U-19s Asia Cup 2023
بھارت نے مقررہ 50 اوورز میں 259 رنز بنائے، پاکستان نے ہدف 47اوورز میں حاصل کرلیا ،اذان اویس نے عمدہ بیٹنگ کرتے ہوئے 130 گیندوں پر 10 چوکوں کی مدد سے 105 رنز کی ناقابل شکست اننگز کھیلی
ایشیا کپ انڈر 19 میں پاکستان نے اپنے روایتی حریف بھارت کو 8 وکٹوں سے شکست دیدی۔ انڈیا نے 50 اوورز کھیلتے ہوئے 259 رنز بنائے جبکہ پاکستان نے انڈیا کا دیا ہوا ہدف 47اوورز میں پورا کر کے میچ اپنے نام کر لیا۔
اذان اویس نے شاندار بلے بازی کر کے 130 گیندوں پر ناقابل شکست اننگ کھیلتے ہوئے 10 چوکوںکی مدد سے 105 رنز بنائے اور فتح میں بنیادی کردار ادا کیا۔ دبئی میں جاری آئی سی سی ایشیا کپ انڈر 19 کے 5 ویں میچ میں پاکستان نے انڈیا کیخلاف ٹاس جیت کر اپنے لئے پہلے فیلڈنگ منتخب کی۔
انڈیا نے مقررہ 50 اوورز میں 259 رنز بنائے، ارش سنگھ نے سب سے زیادہ 62 رنز بنائے، ادے سہارن 60 اور سچن داس نے 58 رنز بنائے ۔
لیفٹ آرم میڈیم پاکستانی باؤلر محمد زیشان نے 4 جبکہ عبید شاہ اور عامر حسان نے دو، دو انڈین کھلاڑیوں کو پویلین کا راستہ دکھایا، پاکستان نے اذان اویس اور دیگر بلے بازوں کی عمدہ بیٹنگ کی بدولت ایشیا کپ انڈر19 ٹورنامنٹ کے میچ میں بھارت کو 8 وکٹوں سے شکست دیدی۔
Asia Cup U-19: Pakistan beat India and won by 8 wickets in the Match of ACC Under-19s Asia Cup 2023
پاکستان نے 263 رنز کے ہدف کا تعاقب شروع کیا تو شمائل حسین صرف 8 رنز بنانے کے بعد مروگن ابھیشک کی بال پر آئوٹ ہو گئے، شاہ زیب خان کا ساتھ دینے اذان اویس آئے اور دونوں نے بہترین بلے بازی کرتے ہوئے دوسری وکٹ کے لئے 110 رنز کی پارٹنر شپ کی۔
بھارت کو دوسری کامیابی اس وقت ملی جب شاہ زیب 4 چوکوں اور تین چھکوں سے مزین 63 رنز بنانے کے بعد مروگن ابھیشک کی بال پر آؤٹ ہو گئے۔
جبکہ اذان اویس ڈٹے رہے اور ففٹی کرنے کے ساتھ ساتھ کپتان سعد بیگ کے ہمراہ ایک اور عمدہ پارٹنر شپ بناءی
اذان اور سعد نے تیسری وکٹ کے لیے 125 رنز کی پارٹرنر شپ کر کے پاکستان کو تین اوورز قبل ہی 8 وکٹوں سے جیت دلوا دی۔
اذان اویس نے شاندار بلے بازی کر کے 130 گیندوں پر 10 چوکوں کی مدد سے 105 رنز کی اننگز کھیلی اور ناٹ آئوٹ رہتے ہوئے میچ کے بہترین کھلاڑی کا اعزاز حاصل کیا۔
کپتان سعد بیگ نے بحی جارحانہ انداز میں بیٹنگ کی اور 51 گیندوں پر 8 چوکوں اور ایک چھکے کی مدد سے 68 رنز کی اننگ کھیلی۔