Shah Rukh Khan Movie DUNKI Review in Urdu
ڈنکی کی ایڈوانس بکنگز کھل چکی ہیں اور شاہ رخ خان اس سال اپنے مداحوں کو تیسری بار بھرپور تفریح کروانے کے لیے پوری طرح تیار ہیں، شاہ رخ خان کی دل کو چھو لینے والی اس فلم کو حیرت انگیز پذیرائی حاصل ہو رہی ہے۔
شاہ رخ خان کے فین کلبوں کا دعویٰ ہے کہ سپر اسٹار کو سینسر بورڈ کی اسکریننگ کے لیے اپنی فلم ڈنکی کے لیے زبردست پذیرائی ملی ہے، فلم کو U/A سرٹیفکیٹ ملا ہے، اور مداح 21 دسمبر 2023 کا بڑی شدت سے انتظار کر رہے ہیں جس دن ڈنکی سینما سکرینوں پر دکھائی جائے گی۔
شاہ رخ خان کی سال میں تیسری سپر ہٹ فلم:
شاہ رخ خان اس سال اپنی تیسری سپر ہٹ فلم ریلیز کر ہے ہیں، ڈنکی بالی ووڈ کے معروف ڈائریکٹر راجکمار ہرانی کے ساتھ شاہ رخ خان کی پہلی فلم ہے، ڈنکی کے ریلیز ہونے میں صرف 4 دن باقی ہیں اور فلم سازوں نے اس فلم کی ایڈوانس بکنگ کھول دی ہے جس کی دھڑا دھڑ بکنگ ہو رہی ہے،
شاہ رخ خان کے مداح پٹھان اور جوان کی چھپر پھاڑ کامیابی کے بعد ڈنکی کو دیکھنے کے شدت سے منتظر ہیں اور منتظر ہیں کہ یہ فلم باکس آفس میں کون سے نئے ریکارڈ بناتی ہے۔
ڈنکی کی بیرون ملک سے بکنگ کیلئے انڈیا میں بکنگز پہلے ہی کھول دی گئی تھیں، کہا جا رہا ہے کہ شاہ رخ خان نے اس سال اپنے ہی ریکارڈ توڑ ڈالے ہیں اور یہ سال شاہ رخ خان بمقابلہ شاہ رخ خان ہی چل رہا ہے، ڈنکی پٹھان کو بھی پیچھے چھوڑنے جا رہی ہے۔
ڈنکی کی کھڑکی توڑ بکنگ:
ڈنکی ٹکٹس تمام بڑے آن لائن بکنگ پلیٹ فارمز جیسے BookMyShow ، Paytm ، Amazon Prime Video اور تھیٹر ویب سائٹس پر آسانی سے دستیاب ہیں۔ مزید برآں، مقامی سنیما گھر اوپننگ اوقات میں فزیکل ٹکٹوں کی فروخت شروع کر دیں گے۔
ڈنکی کی کھڑکی توڑ بکنگ کے بعد یہ کہنا بالکل بھی غلط نہیں ہو گا کہ بالی ووڈ میں یہ 2023 کا سال شاہ رخ خان کا سال ہے، انڈیا کے ساتھ ساتھ بیرون ممالک بھی ڈنکی کی بکنگز بڑی تیزی کے ساتھ بڑھ رہی ہے،
DUNKI کی سینسر بورڈ سے زبردست پذیرائی
شاہ رخ خان کے فین کلبوں کا دعویٰ ہے کہ سپر اسٹار کو سینسر بورڈ کی اسکریننگ کے لیے اپنی فلم ڈنکی کے لیے زبردست پذیرائی ملی ہے، فلم کو U/A سرٹیفکیٹ ملا ہے، اور مداح 21 دسمبر 2023 کا بڑی شدت سے انتظار کر رہے ہیں جس دن ڈنکی سینما سکرینوں پر دکھائی جائے گی۔
DUNKI: چار دوستوں کے سفر کی ایک کہانی
ڈنکی بھارتی پنجاب کے چار دوستوں کی کہانی ہے جو غیر قانونی طور پر لندن پہنچنے کے لئے ڈنکی مارتے ہیں اور امیگریشن کی جدوجہد کرتے دکھائے گئے ہیں، لندن کی طرف ڈنکی کی اس مہم کے دوران شائقین کو مذاق، ایڈونچر اور سنسنی خیز مناظر دکھائے گئے ہیں، فلم میں دکھایا جا رہا ہے کہ کیسے چار دوست ایک بہتر زندگی کی امید میں یورپ کی طرف غیر قانونی طور پر رخت سفر باندھتے ہیں۔
فلم کی جس قدر ہائپ پیدا کی گئی ہے اور دھڑا دھڑ بکنگ کی جا رہی ہے اس لحاظ سے فلم شائقین کی امیدوں پر پورا بھی اتر پائے گی یا نہیں یہ تو وقت ہی بتائے گا لیکن جس قدر جوش و جذبہ ہے فلم کی کامیابی اسی قدر ایک چیلنج کے طور پر بھی لی جا رہی ہے۔
DUNKI VS SALAAR
باکس آفس پر ڈنکی کا اس وقت مقابلہ پربھاس کی ایک سے بھرپور فلم سالار کے ساتھ ہے اور سالار ڈنکی کی ریلیز کے اگلے دن ہی ریلیز ہونے جا رہی ہے، ڈنکی میں شاہ رخ خان کے ساتھ بہترین ٹیلنٹڈ اداکاروں بومان ایرانی، تاپسی پنو، وکی کوشل، وکرم کوچھر، اور انیل گروور سمیت دیگر اہم کاسٹ شامل ہے۔
2023 کا آخری مہینہ چل رہا ہے اور اس سال کے آخر میں ڈنکی اور سالار دونوں کرسمس ویک اینڈ پر ریلیز ہو رہی ہیں، دونوں فلموں میں باکس آفس پر بڑا ٹکرائو ہونے جا رہا ہے، دونوں فلموں کے پروڈیوسرز آزمودہ اور کامیاب ترین پروڈیوسرز ہیں، فلم انڈسٹری کے ماہرین اور شائقین میں اس ٹکرائو پر بحث جاری ہے اور دونوں فلموں کے فینز جیت کی پیشن گوئیاں کر رہے ہیں،
